‘‘झुंडबळी ही भारतीय परंपरा नाही’’- मा. सरसंघचालक

ते नागपूर शाखेच्या विजयादशमी उत्सवात संघाला व देशाला मार्गदर्शन करीत होते. या उत्सवाला प्रमुख अतिथी एच.सी.एल.चे शिव नाडरजी होते. या वेळी बोलताना मोहनजी भागवत म्हणाले, ‘‘लिंचिंग हा शब्द ख्रिश्चन धर्मीयांत आहे. हिंदू धर्मात तशा घटना होत नाहीत. समाजातील विविध वर्गात परस्परांत सद्भावना, संवाद आणि सहयोग वाढायला हवा. घटनेच्या कक्षेत राहूनच अभिव्यक्ती व्हायला पाहिजे. हा संवाद झाल्यावर काही बाबातीत काही निर्णय न्यायालयात होतीलच. न्यायालयाचे निर्णय कसेही झाले तरी परस्परातील सद्भाव कमी व्हायला नको. कुणाच्याही भावनांना धक्का पोहोचेल असे वर्तन व्हायला नको व कठोर शब्दांचाही वापर व्हायला नको. असा संयम बाळगणे ही समाजातील फक्त एका घटकाची जबाबदारी नाही, तर सर्वांची ती जबाबदारी आहे. त्याच्या पालनाची सुरुवात स्वत:पासून व्हायला हवी.’’