लोकाभिरामं श्रीरामम् .....

 ***ऍड.सुशील अत्रे**** 

 

१९८४मध्ये हिंदू जनभावना लक्षात घेऊन विश्व हिंदू परिषद, हिंदू संत मंडळींच्या पुढाकाराने स्वतंत्र 'रामजन्मभूमी समिती' स्थापन झाली. सरकारी बंधनातून रामलल्लाची मुक्तता करून याच जन्मभूमीवर भव्य मंदिर उभारणं हा या समितीचा हेतू आहे. मा. लालकृष्ण आडवाणी यांनी सुरुवातीस या आंदोलनाचं नेतृत्व केलं आहे.

१९५०पासून या ना त्या स्वरूपात सुरू असलेला जन्मभूमीचा वाद फैजाबाद न्यायालयातून अलाहाबाद उच्च न्यायालयात गेला. तिथे बरीच वर्षं रेंगाळून अखेर ३० सप्टेंबर २०१०ला निर्णय देऊन लखनौ खंडपीठाने एकूण राज्य अधिग्रहित २.७७ एकर जागा तीन पक्षकारांमध्ये वाटली. रामलल्ला विराजमान स्वत: (कायदेशीर व्यक्ती म्हणून), निर्मोही आखाडा आणि सुन्नी वक्फ बोर्ड. हा निर्णय कोणालाच मान्य नव्हता. त्यामुळे या निर्णयाविरुद्ध सर्वोच्च न्यायालयात वेगवेगळी अपीलं दाखल झाली. एकूण चौदा अपीलं या संदर्भात दाखल आहेत.

 

विश्व हिंदू परिषद स्वत: यात कुठेही पक्षकार नाही. परिषदेने स्वत: कोणतीही जमीन मालकी हक्काने मागितलेली नाही. मूळ जन्मभूमीवर मंदिर निर्माण व्हावं आणि ते लोकसहभागातून व्हावं, ही त्यांची भूमिका आहे. केवळ त्यासाठी विहिंपसुद्धा सर्वोच्च न्यायालयाच्या निर्णयाची वाट बघत आहे.

यांना सांगणं आवश्यक आहे, की रामाकडे तुमच्या संकुचित चश्म्यातून बघू नका. तो 'नंबर' चुकीचा येईल. तुम्हाला आवडो, न आवडो....

तो हजारो वर्षांपासून 'लोकाभिराम' आहे.

म्हणून... भूयो भूयो नम्याम्यहम् !

- ऍड.सुशील अत्रे.

८६००२२२०००