कुंदाताई फाटक यांना पुण्यश्लोक अहिल्यादेवी होळकर पुरस्कार प्राप्त

 

मुंबई : महिला व बालविकास विभाग, महाराष्ट्र शासनाने सन 2022-23 मध्ये जाहीर केलेला पुण्यश्लोक अहिल्यादेवी होळकर पुरस्कार महाराष्ट्रदिनी 1 मे 2026 रोजी गृहिणी विद्यालयाच्या सर्वेसर्वा श्रीमती कुंदाताई फाटक यांना जिल्हाधिकारी आणि जिल्हा दंडाधिकारी कार्यालय, मुंबई येथे प्रदान करण्यात आला.

 

 

 

पुरस्काराचे स्वरुप सन्मानपत्र, सन्मानचिन्ह, शाल श्रीफळ आणि निधी असे होते. मंत्री- कौशल्य रोजगार उद्योजकता व नाविन्यता, मंत्री मंगल प्रभात लोढा यांच्या उपस्थित व मुंबई शहर जिल्हाधिकारी आंचल गोयल यांच्या हस्ते हा पुरस्कार प्रदान करण्यात आला. महिला व बालविकास क्षेत्रातील मौलिक योगदानाबद्दल हा पुरस्कार श्रीमती कुंदाताईंना प्राप्त झाला. मिळालेली पुरस्काराची रक्कम कुंदाताईंनी गृहिणी विद्यालयाला देण्याचे जाहीर केले आहे.