शिवरायांच्या जयघोषात निनादली दिवाळी पहाट!

आदित्य गार्डन सोसायटी-वारजेच्या चिमुकल्यांनी सादर केला  ‘शिवकल्याण राजा’

यंदा या कार्यक्रमास प्रमुख पाहुणे म्हणून ज्येष्ठ कीर्तनकार ह. भ. प. चारुदत्त आफळे उपस्थित होते. चारुदत्त आफळे यांनीही या लहान मुलांनी परिश्रमपूर्वक साकारलेल्या ‘शिवकल्याणराजा’चे विशेष कौतुक केले. कार्यक्रमात सहभागी झालेल्या मुलांना गेले दोन महिने गाणी शिकवण्यात आली, शब्दोच्चार, सूर – ताल शिकवण्यात आले, नाट्य व नृत्याचा सराव करून घेण्यात आला आणि त्याचसोबत शिवरायांच्या इतिहासाबद्दलही गोष्टीरूपात माहिती देण्यात आली. यामुळे सहभागी झालेल्या मुलांना या सगळ्यातून आनंद मिळालाच परंतु सोबतच आपल्या इतिहासाचे ज्ञानही मिळाले, याचा आनंद असल्याची भावना आयोजकांनी व्यक्त केली.