ऋजुता लुकतुके (क्रीडा)
क्रीडा आणि अर्थविषयक वार्तांकन आणि सादरीकरणाचा 18 वर्षांचा अनुभव आहे. IBN लोकमत, जय महाराष्ट्र या टीव्ही चॅनलनंतर बीबीसी मराठी च्या माध्यमातून डिजिटल मीडियात प्रवेश केला आहे. सध्या महामनी या अर्थविषयक वेब पोर्टलमध्ये कार्यरत. क्रीडा स्पर्धांच्या निमित्ताने अमेरिका, युके, हाँग काँग अशा देशांमध्ये भटकंती. ऑलिम्पिक खेळांमध्ये जास्त रस.
अनुप कुलकर्णी
काही काळ बँकेत नोकरी केल्यानंतर राजीनामा देऊन स्वतःचा 'स्मार्ट मीडिया सोल्युशन्स' हा व्यवसाय सुरुवात केला. गेल्या आठ वर्षांपासून पूर्णवेळ सोशल मीडिया मॅनेजर आणि कंटेंट रायटर म्हणून कार्यरत. सोशल मीडियाचा सर्वांगीण अभ्यास व त्याचा उपयोग व्यावसायिकांना व्हावा याची अखंड धडपड. अनेक वृत्तपत्र, साप्ताहिके, मासिके आणि पोर्टल्सवर विविध विषयांवर लेख प्रकाशित.
अनय जोगळेकर
आंतरराष्ट्रीय राजकारण आणि अर्थकारणाचे अभ्यासक असून राजकीय घडामोडींचे विश्लेषक आणि विशेष प्रकल्पाधिकारी म्हणून ते गेली १२ वर्षं कार्यरत आहेत. वाणिज्य शाखेतील पद्व्युत्तर शिक्षणानंतर त्यांनी पत्रकारितेची पदवी घेतली आहे. एकात्मिक जलव्यवस्थापन या विषयात ते मुंबई विद्यापीठातून पीएचडी करत आहेत. इंटरनेट, तंत्रज्ञान, समाज माध्यमं आणि जागतिकीकरण हे त्यांच्या आवडीचे विषय आहेत. संगणकीय मराठी आणि भारतीय भाषांमध्ये माहिती तंत्रज्ञान सहजतेने उपलब्ध व्हावे यासाठी त्यांनी काम केले असून सध्या राज्य मराठी विकास संस्थेच्या नियामक मंडळात ते अशासकीय सदस्य म्हणून कार्यरत आहेत. मुक्त स्तंभलेखक म्हणून ते गेली ८ वर्षं विविध वर्तमानपत्र तसेच ब्लॉगच्या माध्यमातून लिहित आहेत.
अभिजित जोग
हे नामवंत लेखक असून भारताच्या इतिहासाची मोडतोड व विकृतीकरण याविषयीचे 'असत्यमेव जयते?' हे त्यांचे पुस्तक खूपच लोकप्रिय आहे. त्याच्या इंग्रजी, हिंदी व गुजराती आवृत्त्याही उपलब्ध आहेत. डाव्या विचारसरणीविषयी त्यांनी लिहिलेल्या 'जगाला पोखरणारी डावी वाळवी' या विषयाला अल्पावधीतच प्रचंड प्रतिसाद मिळाला असून त्याची इंग्रजी आवृत्ती नुकतीच उपलब्ध झाली आहे. भारताच्या सांस्कृतिक वारशाविषयी 'हेरिटेज फर्स्ट' या समाजमाध्यमांवरील पेजचे ते लेखन करतात. ते विख्यात ब्रँड कन्सल्टंट, जाहिराततज्ज्ञ व काॅपीरायटर असून त्यांचे 'ब्रँडनामा' हे ब्रँडिंगवरील मराठीतले पहिले पुस्तकही खूप वाचकप्रिय आहे. इतिहास, संस्कृती, राजकारण, ब्रँडिंग व भूराजकीय डावपेच हे त्यांचे आवडते विषय आहेत. या विषयांवर ते विविध वृत्तपत्रे, मासिके तसेच समाजमाध्यमांवर नियमित लेखन करतात, तसेच विविध व्यासपीठांवर व्याख्याने देतात.
अश्विनी मयेकर
https://twitter.com/AshwineeMayekarमुंबई तरुण भारतमध्ये रविवार पुरवणी संपादक म्हणून पत्रकारितेला सुरुवात. दूरदर्शन- सह्याद्री वाहिनीवर वृत्त विभागात काम. गेली काही वर्षं साप्ताहिक विवेकची कार्यकारी संपादक म्हणून जबाबदारी. भारतीय स्त्री शक्ती तसेच ज्ञान प्रबोधिनी या सामाजिक संघटनांच्या माध्यमातून सामाजिक कामात सक्रिय सहभाग.
डाॅ.आर्या आशुतोष जोशी
डाॅ.आर्या आशुतोष जोशी
जन्मदिनांक - २५ |७|१९८०
शैक्षणिक अर्हता—
१. विद्यावाचस्पती ( संस्कृत)
टिळक महाराष्ट विद्यापीठ पुणे येथून वाच.नारायण देसाई यांच्या मार्गदर्शनाखाली 'श्राद्धविधीची दान संकल्पना' या विषयावर संशोधन
फेब्रुवारी २॰१५
२. टिळक महाराट्र विद्यापीठ पुणे येथून भारतविद्या या विषयात विशेष प्रावीण्यासह पदविका.
३. पुणे विद्यापीठ संस्कृत विभाग येथून M.Phil पदवी प्राप्त. स्री पौरोहित्य या विषयात लघुप्रबंध सादर. आॅक्टोबर २००७
४. पुणे विद्यापीठातून संस्कृत विषयात M.A.
वेद विषयासाठी विद्यापीठाचे शंकरराव माणगावकर पारितोषिक
५. विविध राट्रीय आणि आंतरराष्टीय परिषदांमधे हिंधू धर्म, तत्वज्ञान,संस्कृती, धर्मशास्र अशा विषयांच्या सुमारे १७ शोधनिबंधांचे सादरीकरण.
याच विषयांवर ६ राट्रीय आणि आंतरराष्टीय शोधपत्रिकांमधे निबंध प्रकाशित.
६. ज्ञान प्रबोधिनी पुणे येथे संस्कृत संस्कृती संशोधिकेत संशोधक म्हणून कार्यरत. तसेच तेथील पौरोहित्य उपक्रमाची जबाबदारी २००५ सालापासून घेतली होती. 2018 साली हे काम थांबवले आहे.
विशेष नोंद
धर्मशास्र या विषयातील अभ्यासासाठी आणि ज्ञान प्रबोधिनीतील संशोधनपर कामासाठी २०१० मध्ये पूर्णकन्या प्रतिष्ठानचा कन्यारत्न पुरस्कार आणि २०११मध्ये सुलोचना नातू ट्रस्टचा स्री शक्ती पुरस्कार प्राप्त.
७. मराठी विपीडियावर गेली दीड वर्षे संपादिका म्हणून कार्यरत.प्रशिक्षक प्रशिक्षण वर्गात सहभाग.९००० संपादने पूर्ण. हिंदू धर्म, सण, उत्सव, इतिहास, संस्कृती,शिल्पशास्र अशा विविध विषयांच्या लेखांचे संपादन. दोन मुखपृष्ठ लेखांच्या संपादनात योगदान.
या कामासंबंधी TEDEX Pune च्या व्यासपीठावर जुलै २०१६मध्ये व्याख्यान.
* हिंदू धर्म,संस्कृती याविषयावर वृत्तपत्रे,नियतकालिके यात लेखन प्रसिद्ध. दूरचित्रवाणी वाहिन्यांवरील या विषयांच्या कार्यक्रमात सहभाग.
* आकाशवाणी पुणे येथून युववाणी निवेदिका म्हणून निवड आणि तीन दिवसीय अभ्यासक्रम पूर्ण केला आहे.
* छायाचित्रण,गायन, वाचन,कविता लेखन हे छंद.
डॉ. अपर्णा लळिंगकर
पी.एचडी - एज्युकेशन टेक्नॉलॉजी (ट्रीपल आय टी बंगलोर), एम. फिल. (केम्ब्रिज विद्यापीठ, इंग्लंड); एम. एस्सी - गणित (पुणे विद्यापीठ), बीएड; स्वतःची एज्युकेशन टेक्नॉलॉजीची कंन्सलटन्सी आहे. सावित्रीबाई फुले पुणे विद्यापीठाच्या राज्यपाल नियुक्त अधिसभा सदस्य; एनसीईआरटीच्या अभ्यासक्रम आणि पाठ्यपुस्तक निर्मिती कमिटीच्या गणित विषयाच्या सदस्य (member of NSTC CAG mathematics); जी 20 सी 20 आंंतर्गत Diversity Inclusion Mutual Respect आणि वसुधैवकुटुंबकम या दोन कार्यगटांत काम; उच्च शिक्षणासाठी देशातील तसेच आंतरराष्ट्रीय स्तरावरील शिष्यवृत्त्यांचे संपादन; पोस्टडॉक्टोरेे संशोधनासाठी इस्त्रााली गव्हर्नमेंटच्या फेलोशिपवर वर्षभर इस्रायल मध्ये वास्तव्य; दोन वर्षे विवेकानंद केंद्राचे सेवाव्रती शिक्षिका म्हणून नॉर्थ ईस्टमधील अरूणाचल प्रदेश व आसाममधील शाळांमधे काम; ज्ञान प्रबोधिनी प्रशाला, पुणे येथे चार वर्षे गणिताचे अध्यापन; विवेकानंद केंद्र पुणे येथे सह-सचिव म्हणून जबाबदारी त्याआंतर्गत युथ कॅम्प्स, व्याख्यानमाला यांचे आयोजनात सहभाग, स्वामी विवेकानंदांचे विचार आणि कार्य यांवर विविध ठिकाणी व्याख्याने देणे, कार्यशाळा घेणे; महाविद्यालयीन जीवनात संघाच्या कौशिक आश्रम या कार्यालयाच्या माध्यमातून बालसंस्कार वर्ग घेणे, त्यातूनच पर्वती दर्शन परिसरात वस्तीतील मुला-मुलींसाठी एक अभ्यासिका चालू केली होती. एज्युकेेन टेक्नॉलॉजी, स्वामी विवेकानंद, इस्त्रायल, एल जी बी टी क्यू सारखे विविध सामाजिक तसेच राजकीय विषयांवर साप्ताहिक विवेक, मासिके, दिवाळी अंक, समाजमाध्यमे यांत अभ्यासपूर्ण लेखन.
डॉ. अमिता कुलकर्णी
सामाजिक बांधिलकी जपणारी कौटुंबिक पार्श्वभूमी लाभलेल्या डॉक्टर अमिता कुलकर्णी यांचा जन्म पुण्याचा. शालेय, कॉलेज तसंच पुढील वैद्यकीय शिक्षणही पुण्यातच झालेले. महिला व बाल आरोग्य विषयक काम करणाऱ्या सामाजिक संस्थांबरोबर देश तसेच परदेशात काम करत आयुष्याचा अर्ध्याहून जास्त काळ कार्यमग्न असलेल्या डॉक्टर अमिता हिमालयाच्या दरवर्षीच्या वारकरी आहेत. उत्तराखंडात वैद्यकीय अधिकारी म्हणून दीर्घकाळ काम करतांना हिमालयाच्या दुर्गम भागात केलेल्या पदभ्रमंतीने आलेली अनुभवसंपन्नता मांडताना त्यांचं, मराठीच्या जोडीलाच हिंदी, संस्कृत आणि इंग्रजी भाषेवरचे प्रभुत्व कायम उपयोगी सिद्ध झालय. फोटोग्राफीसारखा छंद जोपासताना हिमालयात आणि परदेशात स्वतः काढलेले हजारो फोटोज ही डॉक्टर अमिता कुलकर्णी यांच्या लिखाणाची जमेची बाजू आहे.
डॉ. उमेश मुंडल्ये
डॉ. उमेश मुंडल्ये हे निसर्गाचा वारसा सांगणाऱ्या देवरायांचे अभ्यासक. त्यांनी महाराष्ट्रातल्या ३,७८३ देवरायांची नोंद करताना १,४५० देवरायांना प्रत्यक्ष भेट दिली आहे. ह्या भटकंतीदरम्यान त्यांनी १,०६८ वनस्पतींची ओळख पटवली आहे. वनस्पतिशास्त्रात Ph.D. असलेले डॉ. मुंडल्ये, पुस्तकी शिक्षणापेक्षा निसर्गातल्या शिक्षणावर भर देतात आणि त्यातच रमतात. म्हणूनच ‘फील्डवरचा बॉटनिस्ट’ अशीच त्यांची ओळख सांगितली जाते. महाराष्ट्रात पाणी विषयावर अभ्यासपूर्ण काम करणारे व्यक्तिमत्त्व म्हणून ओळखले जाणारे डॉ. मुंडल्ये देवराईतज्ज्ञ म्हणूनही ओळखले जातात.
डॉ. प्रमोद पाठक
अभियांत्रिक म्हणून उच्चविद्याविभूषित असणारे डॉ. प्रमोद पाठक हे 'गोवा एनर्जी डेव्हलपमेण्ट एजन्सी' अर्थात 'गेडा'चे प्रमुख म्हणून काम पाहतात. कामानिमित्त अनेक वर्षे परदेशी राहण्याचा त्यांना वारंवार योग आला. मुस्लीम प्रश् आणि आंतरराष्ट्रीय राजकारण हा त्यांचा खास अभ्यासविषय आहे. या विषयावरील लेखन साप्ताहिक विवेक तसेच अन्य नियतकालिकांतून सातत्याने प्रकाशित होत असते.
डॉ. श्रीरंग अरविंद गोडबोले
शिक्षण व व्यवसाय
एमबीबीएस व एमडी (मेडिसिन) - सेठ जीएस मेडिकल कॉलेज व केईएम रुग्णालय मुंबई; डीएनबी (एण्डोक्रायनॉलॉजी) - ऑल इंडिया इन्स्टिट्यूट ऑफ मेडिकल सायन्सेस, नवी दिल्ली; पुणे-स्थित मधुमेह व ग्रंथीविकार तज्ज्ञ
लेखन: मराठी पुस्तके
'मधुमेह' (सहलेखन), 'अहिंदू लोकसंख्येचा विस्फोट', 'इस्लामचे अंतरंग', ‘बौद्ध-मुस्लिम संबंध: आजच्या संदर्भात', 'मार्सेलीसचा पराक्रम: सावरकरांची शौर्यगाथा', ‘मागोवा खिलाफत चळवळीचा’
लेखन: हिंदी पुस्तके
‘शुद्धि आंदोलन का संक्षिप्त इतिहास: सन ७१२ से १९४७ तक’, ‘ईसाइयत: सिद्धान्त एवं स्वरूप’
लेखन: इंग्रजी पुस्तके
‘Full Life with Diabetes' (co-author), Savarkar’s leap at Marseilles: A Heroic Saga, ‘Krantiveer Babarao Savarkar’ (online), ‘Khilafat Movement in India (1919-1924)’
ग्रंथ संपादन
'हिंदू संघटक स्वा. सावरकर', 'युगप्रवर्तक डॉ. हेडगेवार','द्रष्टा संघटक बाळासाहेब देवरस'
ग्रंथ अनुवाद
'जिहाद: निरंतर युद्धाचा इस्लामी सिद्धांत' (सह-अनुवादक, मूळ इंग्रजीतून मराठीत), ‘Love jihad’ (मूळ मराठीतून इंग्रजीत)
संकेतस्थळ निर्मिती सहभाग
www.savarkar.org , www.golwalkarguruji.org मधुमेह व हॉर्मोनविकार या विषयांसंबंधी अनेक राष्ट्रीय व आंतरराष्ट्रीय वैद्यकीय परिषदांमध्ये शोधनिबंध; सामाजिक विषयांवर स्फुट व स्तंभलेखन
www.savarkar.org , www.golwalkarguruji.org मधुमेह व हॉर्मोनविकार या विषयांसंबंधी अनेक राष्ट्रीय व आंतरराष्ट्रीय वैद्यकीय परिषदांमध्ये शोधनिबंध; सामाजिक विषयांवर स्फुट व स्तंभलेखन
तन्मय कानिटकर
तन्मय कानिटकर यांनी पुणे विद्यापीठातून कायद्याची पदवी (LLB) आणि कम्युनिकेशन स्टडीज या विषयांत पदव्युत्तर (MSc) शिक्षण पूर्ण केले आहे. ते सुशासनासाठी कार्यरत असणाऱ्या परिवर्तन संस्थेचे संस्थापक विश्वस्त आहेत. ते पॉलिसी रिसर्च ऑर्गनायझेशन या पुण्यातील थिंक टँकचे संस्थापक अध्यक्ष आहेत. त्यांनी उत्तराखंड, पश्चिम महाराष्ट्र येथे पूरग्रस्त भागात जाऊन मदतकार्य केले. त्यांनी ग्रीनअर्थ सोशल डेव्हलपमेंट कन्सल्टन्सी येथे ‘शासनव्यवस्था’ या विषयातील तज्ज्ञ सल्लागार म्हणून काम केले आहे. त्यांनी सकाळ, लोकमत, महाराष्ट्र टाईम्स यासारखी दैनिके; लोकप्रभा, विवेक, माहेर, ऑनलाईन पोर्टल्सवर सामाजिक-राजकीय विषयांवर विपुल लेखन. त्यांचा कथासंग्रह आणि लग्न-नातेसंबंध विषयावरील लेखसंग्रह अशी दोन पुस्तके प्रकाशित झाली आहेत.
दिलीप करंबेळकर
दिलीप दामोदर करंबेळकर
मूळ गाव : पट्टणकुडी
शिक्षण : बीएस्सी, एम.बी.ए.
राष्ट्रीय स्वयंसेवक संघाचे प्रचारक म्हणून कोल्हापूर व गोव (1976-1980) कालावधीत होते.
मराठी साप्ताकिक विवेक, दैनिक मुंबई तरुण भारत,शिल्पकार चरित्रकोश प्रकल्प यांचे प्रबंध संपादक आहेत, तसेच त्रैमासिक ज्येष्ठपर्व, वैद्यराजचे ते सल्लागार आहेत.
विवेक व्यासपीठ व सेवाभावी आणि सांस्कृतिक क्षेत्रात काम करणाऱ्या संस्थेचे विश्वस्त.
सामाजिक अभ्यास आणि समाजिक कार्यकर्ता प्रशिक्षण यासाठी कार्यरत असणाऱ्या स्पार्क या संस्थेचे संचालक
विवेक रुरल डेव्हलपमेंट सेंटर या स्वयंसेवी संस्थेचे संचालक
महाराष्ट्र राज्य मराठी विश्वकोश निर्मिती मंडळाचे अध्यक्ष.
श्रीरामजन्मभूमी लढयाचा अन्वयार्थ विकृत मानसिकतेचा पंचनामा व भारत - पाकिस्तान: एक सांस्कृतिक युध्द ही पुस्तके प्रकाशित.
नयना सहस्रबुध्दे
स्त्रीविषयक लेखनासाठी प्रसिध्द असणाऱ्या नयना सहस्रबुध्दे या भारतीय स्त्री शक्ती या संघटनेच्या संस्थापक सदस्य आहेत. भारतीय स्त्री शक्तीच्या राष्ट्रीय अध्यक्ष म्हणूनही त्यांनी काम पाहिले आहे. अखिल भारतीय विद्यार्थी परिषदेच्या कार्यकर्त्या म्हणूनही त्या कार्यरत होत्या. नयना सहस्रबुध्दे या बँक ऑफ महाराष्ट्रमध्ये अधिकारीपदावर कार्यरत होत्या. सध्या महिला बँकेत डेप्युटेशनवर रुजू झाल्या आहेत. साप्ताहिक विवेकमध्ये स्त्रीभान या सदरातून त्या स्त्रीविषयक लेखन करत आहेत.
नीलिमा देशपांडे
सदर - तुका आकाशाएवढा
कोल्हापूरनिवासी नीलिमा देशपांडे यांनी मराठी साहित्यात एम.ए. केले असून 'भाषांतर - एक तौलनिक अभ्यास' या विषयात त्या पीएच.डी. करत आहेत. उद्योजिका असलेल्या नीलिमा यांची फेसबुकसारख्या लोकप्रिय समाजमाध्यमात विशेष ओळख आहे ती, अनेक विषयांवर निर्भीडपणे व्यक्त होणारी लेखिका म्हणून. संत साहित्य हा त्यांच्या जिव्हाळ्याचा, अभ्यासाचा विषय आहे.
प्रसाद देशपांडे
प्रसाद देशपांडे, बाय प्रोफेशन SAP आणि सायबर सिक्युरिटी तज्ज्ञ आहे. एका MNC त गेली आठ वर्ष काम करत आहेत, कामाचं क्षेत्र मिडलईस्ट, सौदी, बहरीन, युएई हे आहे. गेली 3, 3.5 वर्ष ह्याच भागात वास्तव्य होतं. टेक्नलॉजी, भारतीय राजकारण, राजकीय विश्लेषण, सायबर सिक्युरिटी, इस्लाम, आंतरराष्ट्रीय राजकारण मुख्यतः मध्यपूर्व हे माझे डोमेन एक्सपर्टीस आहेत. फ्रिलान्सिंग ब्लॉगिंग आणि वृत्तपत्र लिखाणाची आवड.
पार्थ बावस्कर
पार्थ बावस्कर हा अवघ्या 21 वर्षांचा औरंगाबादचा तरुण आहे. सध्या संपूर्ण महाराष्ट्रासह भारतात वीर सावरकर, लोकमान्य टिळक, योगी अरविंद, रामायण, महाभारत, भगवद्गीता, पसायदान अशा अनेक विषयांवर व्याख्यान देत भ्रमंती करत असतो. शब्दामृत प्रकाशन या नावाने पार्थची आता स्वतःची पुस्तक प्रकाशन संस्था आहे. आजवर त्याने फक्त सावरकरांवर 100पेक्षा जास्त व्याख्याने दिली आहेत.
मृदुला राजवाडे
सध्या मुक्तपत्रकार म्हणून कार्यरत. तत्पूर्वी, हिंदुस्थान समाचार, साप्ताहिक विवेक, विश्व संवाद केंद्र मुंबई अशा विविध संस्थात कार्यरत. कला, संस्कृती, युवा व सामाजिक घडामोडींशी संबंधित विविध विषयांवर नियमित लेखन. मुंबई विद्यापीठातील गरवारे व्यवसाय व विकास संस्थेत पत्रकारिता पदविका वर्गात व्हिजिटिंग फॅकल्टी म्हणून मार्गदर्शन.
मोहिनी महेश मोडक
वेब सर्व्हिसेस पुरवणाऱ्या अकोलास्थित कंपनीच्या संचालिका आहेत. नेटवर्क इंजीनिअरिंग कोर्सेसची प्रशिक्षक म्हणून त्यांनी दीर्घकाळ काम केले आहे. सध्या त्या ब्लॉगिंग, डिजिटल मार्केटिंग यासारखे विविध कोर्सेस ऑनलाइन पद्धतीने शिकवतात.
त्या पत्रकारिता व जनसंज्ञापन विषयात द्विपदवीधर
असून त्यांनी वृत्तपत्रातून स्तंभलेखन, प्रासंगिक लेखन व दिवाळी अंकांसाठी लेखन केले आहे.
त्या समाजमाध्यमांच्या अभ्यासक व ब्लॉगर आहेत, तसेच
विविध सामाजिक, साहित्यिक व व्यावसायिक संघटनांमध्ये त्या सक्रिय आहेत.
रेणू दांडेकर
संस्थापक, लोकमान्य टिळक विद्यामंदिर, चिखलगाव
कौशल्यपूर्ण, प्रकल्पाधारित शिक्षणातून चिखलगावामध्ये डॉ. राजाभाऊ आणि रेणू दांडेकर यांनी उत्तम विद्यार्थी घडविले. चांगल्या समाजासाठी विद्यार्थी घडविण्याचे काम हे दाम्पत्य करीत आहे. शिक्षणासंबंधी लोकमान्य टिळकांनी मांडलेले विचार आचरणात आणून ते कृतीत उतरविण्याचे कार्य दांडेकर दाम्पत्याने केले आहे.
कौशल्यपूर्ण, प्रकल्पाधारित शिक्षणातून चिखलगावामध्ये डॉ. राजाभाऊ आणि रेणू दांडेकर यांनी उत्तम विद्यार्थी घडविले. चांगल्या समाजासाठी विद्यार्थी घडविण्याचे काम हे दाम्पत्य करीत आहे. शिक्षणासंबंधी लोकमान्य टिळकांनी मांडलेले विचार आचरणात आणून ते कृतीत उतरविण्याचे कार्य दांडेकर दाम्पत्याने केले आहे.
रुपाली कुळकर्णी - भुसारी
एम. फिल- पुण्यातील स्त्रियांचे राजकिय सामाजिकरण आणि पत्रकारीता जनसंज्ञापनाचा डिप्लोमा .
२००६ ला हैदराबादला ई टि व्ही मराठी न्युज विभागात पत्रकार / कॉपी एडीटर म्हणून अनुभव.
२००५ ते आता पर्यंत राज्यशास्राची अभ्यागत अधिव्याख्याता म्हणुन पुण्यात विविध महाविद्यालयांमध्ये शिकवते आहे. सध्या गरवारे महाविद्यलयात पत्रकारिताच्या विद्यार्थ्यांना राष्ट्रीय आंतरराष्ट्रीय घडामोडी शिकवतात .
' आत्मघातकी दहशतवाद ' हे संशोधनात्मक पुस्तक याचवर्षी मार्चमध्ये प्रसिद्ध झाले आहे.
दहशतवाद, (माओवाद, भारतातील फुटिरतावादी संघटना सुद्धा )
इस्त्रायल आणि मध्यपूर्व हे संशोधनाचे विषय आहेत.
२००६ पासून मी मुक्त पत्रकार म्हणुन अनेक साप्ताहिके मासिके ह्यात लिखाण.....
रुपाली पारखे देशिंगकर
निसर्गाची आणि विशेषतः सापांची आवड छंद म्हणून जोपासताना सर्पसंबंधित विषयाचे पुणे, चेन्नई येथे प्रशिक्षण घेतल्यावर सापांबद्दल जनजागृतीच काम करत असतानाच निसर्गातल्या वेगवेगळ्या घटकांबद्दल सर्वसामान्यांकडे उपलब्ध असलेल्या विस्कळीत माहितीला सोप्या भाषेत मांडण्यासाठी निसर्ग संरक्षण आणि संवर्धन विषयाचे भारतीय वन्यजीव संस्थान- वाईल्ड लाईफ इन्स्टिटयूट ऑफ इंडिया [ WII] डेहेराडून इथून प्रशिक्षण घेतल्यावर विश्व प्रकृती निधी [ WWF ] मध्ये मानद सल्लागार , महाराष्ट्र वनखात्यात प्रशिक्षक म्हणून कार्यरत, निसर्ग, वन्यजीव आणि पर्यटन विषयावर मराठी हिंदी इंग्रजी प्रकाशनांमध्ये स्तंभलेखक, ब्लॉगर म्हणून गेली काही वर्ष कार्यरत.
रमेश पतंगे
रमेश पतंगे हे ज्येष्ठ विचारवंत, लेखक म्हणून प्रसिध्द आहेत. वैचारिक वाङ्मयात भर घालणारी अनेक पुस्तके त्यांनी लिहिली आहेत. साप्ताहिक विवेकचे संपादक म्हणून प्रदीर्घ काळ त्यांनी जबाबदारी सांभाळली आहे. हिंदुस्थान प्रकाशन संस्थेचे ते अध्यक्ष आहेत. तसेच सामाजिक समरसता मंच, भटकेविमुक्त विकास परिषद, समरसता साहित्य परिषद या सामाजिक संस्थांचे ते संस्थापक आहेत. पांचजन्य नचिकेता पुरस्कारासह अनेक सन्माननीय पुरस्कारांनी त्यांना गौरवण्यात आले आहे.
रमा दत्तात्रय गर्गे
डॉ.रमा दत्तात्रय गर्गेशिक्षण:M.A.(हिस्ट्री)Ph.D.(योगशास्त्र)...वैचारिक /साहित्य /तत्वज्ञान/इतिहास विषयक लेखन..
6 पुस्तके प्रकाशित। महाराष्ट्र राज्य साहित्य संस्कृती महामंडळाच्या पूलं गौरव विशेषांक,व बाळशास्त्री हरदास गौरव विशेषांकात लेखन।
कालिदास विद्यापीठ विस्तार मंडळ प.महाराष्ट्र समन्वयक।
समरसता साहित्य परिषद,महाराष्ट्र प्रांत सदस्य
महाराष्ट्र राज्य सांस्कृतिक धोरण पुर्नविलोकन समिती सदस्य
रवींद्र गोळे
रवींद्र विष्णू गोळे
जन्मदिनांकः 24 फेब्रुवारी 1974
शिक्षणः एम.ए. (समाजशास्त्र)
गावचा पत्ता - मु. पो. हातगेघर, ता. जावली. जि. सातारा 415514
सध्याचा पत्ता - 1/6 जैन इस्टेट ,विल्हेज रोड,भांडुप मुंबई - 78
संपर्क- 9594961860
2003 पासून पत्रकारिता क्षेत्रात कार्यरत.
सहकार्यकारी संपादक - साप्ताहिक विवेक
प्रकाशित ग्रंथसंपदा
कृतार्थ - आ. अरविंद लेले यांचे चरित्र
आयाबाया - भटके-विमुक्त समाजातील महिलांची व्यक्तिचित्रणे
दीपस्तंभ - दलित उद्योजकांच्या यशोगाथा
पथिक - सामाजिक कार्यकर्त्यांची व्यक्तिचित्रणे
झंझावात - आ. नवनाथ आव्हाड यांचे चरित्र
अष्टपदी- आपल्या सहजीवनातून सामाजिक काम करणाऱ्या पतीपत्नीचा परिचय
समरसतेची शिदोरी - सामाजिक संस्कार कथा
समाज धन्वतरी - डॉ.श्रीहरी दत्तात्रय देशपांडे यांचे चरित्र
प्रेरणादीप - युवकांसाठी महाराष्ट्रातील समाजसुधारकांचा परिचय
जनता जर्नादन वामनराव परब -आ. वामनराव परब यांचे च्रित्र
आधुनिक संत आणि समाज- ( महाराष्ट्रातील आधुनिक संताचे सामाजिक काम)
संपादने
अण्णा भाऊ साठे जीवन व कार्य
डॉ. आंबेडकर व स्वामी विवेकानंद यांचे विचारविश्व
कर्मवीर दादा इदाते गौरवग्रंथ
ध्यासपथ - भटके -विमुक्त विकास परिषद गौरवग्रंथ
सहकाराकडून सामाजिकतेकडे ( आतंरराष्ट्रीय सहकार वर्षांनिमित्त विशेष ग्रंथ)
राष्ट्रद्रष्टा पंडित दीनदयाळ उपाध्याय
समर्थ भारत- स्वप्न- विचार-कृती
वन जन गाथा
अभंग सेतू ( मराठी संत वचनाचा अनुवाद)
समरसतेचा पुण्यप्रवाह
बालसाहित्य
प्रिय बराक ओमाबा
डॉ. बाबासाहेब आंबेडकर
सयाजीराव गायकवाड
संत गाडगेबाबा
लेण्याच्या देशा
सांगू का गोष्ट ?
अन्य जबाबदाऱ्याः
महाराष्ट्र राज्य साहित्य आणि संस्कृती मंडळ,सदस्य
राजगृह सहकारी पतसंस्था, सदस्य
सम्यक संबोधी ग्रंथालय भांडुप , अध्यक्ष
साहित्य संबोधी भांडुप, कार्यवाह
दै. तरुण भारत,पुण्यनगरी, विवेक विचार, विमर्श ,एकता या नियतकालिकांतून सातत्याने लेखन.
डॉ.बाबासाहेब आंबेडकर यांच्या 125 जंयती निमित्त एकता मासिकात भीमाख्यान हे सदर
पुरस्कार
पुणे मराठी ग्रंथ संग्रहालयाचा 'साहित्य सम्राट न.चिं.केळकर पुरस्कार' 2016
आम्ही सातारकर विकास प्रतिष्ठानचा 'साहित्य रत्न पुरस्कार' 2016
भारतीय स्त्रीशक्ती चा राज्यस्तरीय काव्यलेखन पुरस्कार 2001
रवींद्र प्रभुदेसाई
पितांबरी प्रॉडक्ट्स प्रा. लि.ची सुरुवात 1989 मध्ये श्री रवींद्र प्रभुदेसाई आणि त्यांचे वडील स्वर्गीय श्री वामनराव प्रभुदेसाई यांनी लहान घरगुती व्यवसाय म्हणून केली होती. ती हळूहळू एक आघाडीची उत्पादन आणि विपणन कंपनी बनली आहे. होमकेअर डिव्हिजनमध्ये एफएमसीजी उत्पादनांसह सुरुवात करून, आता संस्थेकडे एकाच छताखाली 10 विभाग आहेत उदा; होमकेअर, हेल्थकेअर, अॅग्रीकेअर, फूडकेअर, सौर, धूप, परफ्युमरी, डिजीकेअर, कृषी पर्यटन आणि निर्यात विभाग.
वसुमती करंदीकर
कविकुलगुरू कालिदास संस्कृत विद्यापीठात संस्कृतमध्ये पीएच.डी करत आहे. प्राच्यविद्या शास्त्र, संस्कृत वृत्तपत्रविद्या यामध्ये पदविका, तर ब्राह्मी, मोडी, हस्तलिखितशास्त्र, मायथॉलॉजी यांचे सर्टिफिकेट कोर्स विशेष श्रेणीसह पूर्ण केले आहेत. सध्या कविकुलगुरू कालिदास संस्कृत विद्यापीठात ज्योतिषही शिकत आहेत. मुंबई विद्यापीठाचे विद्यापीठ स्तरावरचे बुद्धिबळाचे सुवर्ण तर कथा लेखनाचे रौप्य पदक प्राप्त. आतापर्यंत १३ शोधनिबंध प्रसिद्ध झाले आहेत.
वारसदार...दुर्दम्य इच्छाशक्तीचे
वारसदार...दुर्दम्य इच्छाशक्तीचे
सा.विवेकच्या नेट एडिशनसाठी सुरू करण्यात आलेले हे नवे पाक्षिक सदर. प्रत्येकाच्याच आयुष्यात काही ना काही संकटं येत असतात. ते कधी दुर्धर आजाराच्या रूपात समोर उभं ठाकतं तर कधी आर्थिक संकटाच्या वा एखाद्या अपघाताच्या रूपात वा एखाद्या अनपेक्षित संकटाच्या रूपात. या संकटाशी दोन हात करण्याआधीच बरेच जण उमेद हरवून बसतात, काही अर्ध्या लढाईत पराभव स्वीकारून माघार घेतात तर काही मात्र यश मिळेपर्यंत झुंज देतात. राखेतून उठून पुन्हा नवी भरारी घेणाऱ्या फिनिक्स पक्षासारखी नवचैतन्यासह नवी झेप घेतात...अशाच दुर्दम्य इच्छाशक्तीच्या वारसदारांची प्रेरक कहाणी आपण दर पंधरा दिवसांनी वाचणार आहोत.
सा.विवेकच्या नेट एडिशनसाठी सुरू करण्यात आलेले हे नवे पाक्षिक सदर. प्रत्येकाच्याच आयुष्यात काही ना काही संकटं येत असतात. ते कधी दुर्धर आजाराच्या रूपात समोर उभं ठाकतं तर कधी आर्थिक संकटाच्या वा एखाद्या अपघाताच्या रूपात वा एखाद्या अनपेक्षित संकटाच्या रूपात. या संकटाशी दोन हात करण्याआधीच बरेच जण उमेद हरवून बसतात, काही अर्ध्या लढाईत पराभव स्वीकारून माघार घेतात तर काही मात्र यश मिळेपर्यंत झुंज देतात. राखेतून उठून पुन्हा नवी भरारी घेणाऱ्या फिनिक्स पक्षासारखी नवचैतन्यासह नवी झेप घेतात...अशाच दुर्दम्य इच्छाशक्तीच्या वारसदारांची प्रेरक कहाणी आपण दर पंधरा दिवसांनी वाचणार आहोत.
विनीता शैलेंद्र तेलंग
विनीता शैलेंद्र तेलंग (D.pharm.Post Dip.in Ayu.Pharm.)
पुनर्वसु आयुर्वेदीय औषधी निर्माण या नावाने स्वतःचा आयुर्वेदिक औषध निर्मितीचा 1995 पासून व्यवसाय .सुमारे शंभर उत्पादने . बेळंकी व हरीपूर येथे चालणाऱ्या कामातून स्थानिक महिलांना रोजगार .
१९८८ ते ९० अखिल भारतीय विद्यार्थी परिषदेचे औरंगाबाद येथे पूर्ण वेळ काम .
भगिनी निवेदिता प्रतिष्ठान या संस्थेच्या संचालक मंडळाच्या सदस्य. या संस्थेतर्फे तीन अनाथाश्रम, एक अल्पमुदत निवासस्थान, कुटुंब सल्ला केंद्रे इ .उपक्रम चालतात .नुकत्याच सुरु केलेल्या नर्सिंग विभागाची संपूर्ण जबाबदारी . अनेक अन्य सामाजिक कामात सक्रिय.
त्याचबरोबर अनेक संगीत व नुत्यविषयक कार्यक्रमांचे निवेदन व सूत्रसंचालन. काव्य लेखन, विविध अंक संपादन याबरोबर ग्राहक हित, सा.विजयंत, सा. विवेक, विश्वपंढरी, प्रसाद ,छात्रप्रबोधन या अंकात नैमित्तिक लेखन. अनेक स्मरणिकांचे संपादन, रा.स्व.संघाची पश्चिम महाराष्ट्र महिला समन्वय समिती सदस्य .
विभावरी बिडवे
बी. ए. (मानसशास्त्र), एल एल. बी. पुणे येथे दिवाणी आणि मिळकत हस्तांतर विषयक वकिली सुमंत्र सेंटर ह्या संस्थेची विश्वस्त म्हणून कार्यरत. कोथरूड, पुणे येथील वस्त्यांमध्ये सदर संस्थेतर्फे उपचारात्मक अभ्यासिका चालविल्या जातात. पूर्वी दिव्य मराठी मध्ये थोडे कायदेविषयक व इतर लिखाण. इतरत्र स्फुट लेखन.
श्री सर्वेश फडणवीस
युवा लेखक सामाजिक ,सांस्कृतिक आणि आध्यात्मिक विषयाचे अभ्यासक,तरुण भारत नागपूर येथे २ वर्ष स्तंभ लेखन केले आहे. मुंबई तरुण भारत, महाराष्ट्र टाइम्स,पुण्यनगरी या वृत्तपत्रासाठी विविध विषयांवर लेखन सुरू असते. मध्य प्रदेश येथील इंदोर येथून एक पाक्षिक निघतं “मराठी गौरव”यात ही अनेक लेख प्रकाशित झाले आहेत. प्रज्ञालोक ह्या त्रैमासिकात ही लेखन सुरू आहे. आणि प्रज्ञालोक अभ्यासक मंडळात संपादकीय मंडळात सक्रिय आहे. मुंबई तरुण भारताने "कालजयी सावरकर" या नावाने सावरकर विशेषांक प्रसिद्ध केला त्यात 'सावरकर आणि युद्धशास्त्र' ह्या विषयावर लेख प्रकाशित झाला आहे. अनेक दिवाळी अंकांसाठी लेखन सुरू असते. साप्ताहिक विवेक साठी लिहितांना कायमच आनंद मिळत असतो. विवेकचा वाचक लेखकांना समृद्ध करणारा आहे.
संजय दामोदर देवधर
- ज्येष्ठ पत्रकार, आणि आदिवासी वारली चित्रशैली अभ्यासक.
- नाशिक येथे दैनिक गावकरीमध्ये 34 वर्षे कलाविभाग प्रमुख, वार्ताहर, कलासमीक्षक व उपसंपादक पदावर काम करून निवृत्त. सध्या फ्रिलान्स पत्रकारिता सुरु.
- शैक्षणिक अर्हता - जी.डी.आर्ट ( ऍप्लाईड ) 1982 साली जे जे स्कुल ऑफ आर्ट येथून अव्वल श्रेणीत उत्तीर्ण.
- अनेक सामाजिक, शैक्षणिक, सांस्कृतिक संस्थांशी निकटचे संबंध व पदाधिकारी म्हणून कार्य. विविध स्पर्धांच्या परीक्षणाचा अनुभव.
- संशोधनपर कार्य- आदिवासी वारली चित्रशैलीविषयी विशेष संशोधन. कार्यशाळांचे आयोजन करुन अनेकांना वारली कला शिकविण्याचा उपक्रम सुरु. आत्तापर्यंत ५ ते ७५ वयोगटातील हजारो कलाप्रेमींना वारली चित्रकलेचे मार्गदर्शन. परदेशी पर्यटक देखील येऊन वारली कलेचे धडे गिरवतात.
- वारली चित्रकलेच्या प्रसार व प्रचारासाठी वारली चित्रसृष्टी हे पुस्तक लिहून प्रकाशित केले. त्याच्या चार आवृत्त्या लोकप्रिय झाल्या आहेत. Warli Art World या इंग्लिश पुस्तकाच्या दोन आवृत्ती परदेशातही पोहोचल्या आहेत. रसिक वाचकांचा या पुस्तकांना उत्स्फूर्त प्रतिसाद मिळतो.
- चित्रसहल या आगळ्यावेगळ्या उपक्रमात आदिवासी पाड्यांवर शहरी कलाप्रेमींना नेऊन वारली जीवनशैली, त्यांची कला यांचे सुरेख दर्शन घडवले जाते. आतापर्यंत अनेकजण सहकुटुंब सहलीत सहभागी झाले.
- विश्वविक्रम - ऑगस्ट 2018 मध्ये 1100 पेक्षा अधिक स्पर्धकांची ऑन द स्पॉट वारली चित्रस्पर्धा घेतली व दोन विश्वविक्रम प्रस्थापित केले. सर्वाधिक सहभागाबद्दल जिनियस वर्ल्ड रेकॉर्ड तर चित्रांद्वारे सामाजिक संदेश दिल्याने वंडरबुक वर्ल्ड रेकॉर्ड करण्यात आले.
- पत्रकारितेत विविध प्रकारचे पुरस्कार मिळाले आहेत. राज्य सरकारने सन 2019 मध्ये वारली कलेतील योगदानाबद्दल राज्यस्तरीय आदिवासी सेवक पुरस्कार प्रदान करून सन्मानित केले.
सिध्दी वैद्य
मुंबई विद्यापीठातून Counselling Psychology या विषयात पदव्युत्तर शिक्षण पूर्ण. गेल्या चार वर्षांपासून डोंबिवली आणि कल्याणमधील मानसशास्त्रज्ञांबरोबर काम करण्याचा अनुभव. तसेच पोदार इंटरनॅशनल स्कूलमध्ये School Counsellor म्हणून काम केले असून आता 'मुदिता' या नावाने स्वत:चे Psychological Wellness and Counselling Centre डोंबिवली येथे सुरू केले आहे. '
सोनाली तेलंग
व्यवसाय - प्रशिक्षक (soft skill trainer) आणि समुपदेशक (counsellor)
गेली २३ वर्षे विविध कंपन्यांमधून कामाचा अनुभव. मानसशास्त्र हा विषय घेऊन नाशिक आकाशवाणीवरून विविध कार्यक्रम प्रस्तुत केले आहेत. कार्यक्रमांचे प्रभावी सूत्रसंचालन, तसेच संहिता लेखन. मानसशास्त्र, इतिहास, अध्यात्म ह्या विषयांची विशेष आवड.
हर्षल कंसारा
माहिती तंत्रज्ञानातून अभियांत्रिकी पदवीधर, वेब अॅप्लिकेशन डेव्हलपमेंट क्षेत्रात कामाचा अनुभव, सॉफ्टवेअर बरोबरच लेखनात ही विशेष आवड, ब्लॉग लेखन, चालू घडामोडी, राजकारण, सामाजिक आणि तरुणाईशी संबंधित विषयांवर लिखाणाची आवड, मराठी बरोबरच गुजराती आणि इंग्रजी साहित्यात देखील रुची, रा.स्व. संघाचे स्वयंसेवक.